Situasiya mətni: “XI əsrin sonlarında Avropada Roma papasının çağırışı ilə Şərqə doğru dini şüarlar altında böyük hərbi hərəkat başladı. Xristian-katolik kilsəsinin başçılığı altında aparılan bu yürüşlər amansızlıq və qəddarlığı ilə yadda qalmışdı. Kilsənin irəli sürdüyü rəsmi məqsəd “müqəddəs torpaqları azad etmək” olsa da, əslində bu hərəkatda iştirak edən müxtəlif zümrələrin (feodallar, cəngavərlər, İtaliya tacirləri, kəndlilər) hər birinin öz siyasi və iqtisadi maraqları var idi. İki əsrə yaxın davam edən bu hərbi toqquşmalar Avropa və Şərq dövlətləri arasında qanlı müharibələrə səbəb olmaqla yanaşı, sonradan ticarətin canlanmasına və mədəniyyətlərin qarşılıqlı təsirinə gətirib çıxardı. Lakin XIII əsrin əvvəllərində baş tutan Dördüncü yürüş zamanı bu hərəkatın əsl mahiyyəti açıldı. Belə ki, “müqəddəs” məqsədlər unudularaq Şərqə gedən yolda xristian şəhəri olan böyük bir imperiyanın paytaxtı işğal edilib amansızcasına qarət olundu.”